https://static.hindutamil.in/hindu/uploads/news/2022/10/21/large/885930.jpgஇங்கிலாந்து பிரதமர் லிஸ் ட்ரஸ் ராஜினாமா | பொதுத்தேர்தலை நடத்த எதிர்க்கட்சி வலியுறுத்தல்

லண்டன்: பொருளாதார நெருக்கடியை சமாளிக்க முடியாமல் இங்கிலாந்து பிரதமர் லிஸ் ட்ரஸ் நேற்று பதவியை ராஜினாமா செய்தார். ஒரு வாரத்தில் புதிய பிரதமர் தேர்வு செய்யப்பட உள்ளார்.

இங்கிலாந்து பிரதமராக பதவி வகித்த போரிஸ் ஜான்சனுக்கு எதிராக அமைச்சர்கள் போர்க்கொடி உயர்த்தியதால் சில மாதங்களுக்கு முன்பு அவர் பதவியை ராஜினாமா செய்தார். இதைத் தொடர்ந்து ஆளும் கன்சர்வேட்டிவ் கட்சியில் புதிய பிரதமரை தேர்வு செய்ய உட்கட்சி தேர்தல் நடைபெற்றது. எட்டு பேர் போட்டியிட்ட நிலையில் இறுதிச் சுற்றில் லிஸ் ட்ரஸ், இந்திய வம்சாவளியை சேர்ந்த ரிஷி சுனக் இடையே பலப்பரீட்சை நிலவியது. இதில் லிஸ் ட்ரஸ் வெற்றி பெற்று கடந்த மாதம் 6-ம் தேதி புதிய பிரதமராக பதவியேற்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/Gmyu47f