https://static.hindutamil.in/hindu/uploads/news/2023/10/11/large/1137145.jpg‘இது ஒரு படுகொலை’ - இஸ்ரேலிய கிராமத்தில் ஹமாஸ் அட்டூழியமா?

டெல் அவில்: ஹமாஸ் தாக்குதலில் இஸ்ரேலிய கிராமம் ஒன்று முற்றிலும் அழிந்துள்ளதுடன், 40 குழந்தைகள் வரை கொடூரமாக கொல்லப்பட்டதாக தகவல் வெளியாகியுள்ளது.

கடந்த சனிக்கிழமை முதல் பாலஸ்தீனத்தைச் சேர்ந்த ஹமாஸ் அமைப்பினர், இஸ்ரேல் மீது தாக்குதல் நடத்தியதில் இஸ்ரேல் தரப்பில் இதுவரை 1,000 பேருக்கும் மேற்பட்டோர் உயிரிழந்துள்ளனர். ஹமாஸ் நடத்திய இந்த முன் எப்போதும் இல்லாத இந்தத் தாக்குதலில் தெற்கு இஸ்ரேல் பகுதியில் உள்ள ஒரு கிராமம் முற்றிலும் அழிந்துள்ளது தெரியவந்துள்ளது. காசா பகுதியில் இருந்து 3 கி.மீ தொலைவில் உள்ள தெற்கு இஸ்ரேலிய கிராமம் கிப்புட்ஸ் கஃபர் ஆசா. இக்கிராமத்தில் உள்ள 40 குழந்தைகள் உட்பட பலரை ஹமாஸ் தீவிரவாதிகள் படுகொலை செய்துள்ளனர் என்று இஸ்ரேல் ராணுவம் குற்றம்சுமத்தியுள்ளது. குழந்தைகளின் தலை துண்டிக்கப்பட்டும், உடல்கள் எரிக்கப்பட்டும் மிருகத்தனமாக கொல்லப்பட்டுள்ளனர் என்றும் இஸ்ரேல் ராணுவம் தெரிவித்துள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/tWxqY7j